კონფიდენციალურობა

საიტის კითხვა

საიტი არ იყენებს ქუქი-ფაილებს, ანალიტიკასა და რეკლამას. შრიფტები და სკრიპტები ამავე საიტიდან იტვირთება, ამიტომ სხვა კომპანიები ვერ იგებენ, რომ საიტს ეწვიეთ. საიტი განთავსებულია Cloudflare-ზე, რომელიც კავშირის მონაცემებს ამუშავებს გვერდების მისაწოდებლად და საიტის თავდასხმებისგან დასაცავად.

თქვენ მიერ არჩეული თემა და ტექსტის ზომა თქვენსავე ბრაუზერში ინახება (local storage) და არსად იგზავნება.

ინსტრუმენტები

სუბტიტრების შემმოწმებელი, ძველი შრიფტების გადამყვანი და სახელების ტრანსლიტერაცია მთლიანად თქვენს ბრაუზერში მუშაობს. მათში გახსნილი ფაილები თქვენს მოწყობილობაზე რჩება.

სუბტიტრების გამოგზავნა

ფაილის გამოგზავნისას საიტი ინახავს:

• სუბტიტრების ფაილს და ფილმის შესახებ თქვენ მიერ შეყვანილ ინფორმაციას
• სახელს ტიტრებისთვის, თუ მიუთითებთ: ის ფაილთან ერთად ქვეყნდება
• ელფოსტას, თუ მიუთითებთ: გამოიყენება მხოლოდ ამ ფაილთან დაკავშირებული კითხვებისთვის
• თქვენს შენიშვნებს და თარიღს

თქვენი IP-მისამართი გამოიყენება მხოლოდ იმის შესაზღუდად, რამდენი ფაილის გაგზავნა შეიძლება ერთ წუთში, და არ ინახება. ელფოსტის მისამართები ავტომატურად იშლება 6 თვის შემდეგ, დანარჩენი გამოგზავნილი ინფორმაცია კი — 12 თვის შემდეგ. გამოქვეყნებული სუბტიტრები და ტიტრებისთვის მითითებული სახელები საიტზე რჩება.

ელფოსტა

translation@foundation.ge-ზე გამოგზავნილ წერილებს პროექტის მოხალისეები კითხულობენ და მხოლოდ თქვენთვის პასუხის გასაცემად იყენებენ.

თქვენი არჩევანი

შეგიძლიათ მოითხოვოთ თქვენ მიერ გამოგზავნილი ინფორმაციის ნახვა, შესწორება ან წაშლა, ან ტიტრებიდან თქვენი სახელის ამოღება: დაწერეთ მისამართზე translation@foundation.ge.